दिल्लीमा थप एक साता लकडाउन गर्ने निणर्य

आईतवार २६ बैशाख, २०७८ विचारवाटिका 2481

वैशाख २६, काठमाडौं । दिल्लीमा थप एक साता लकडाउन बढाउने निणर्य दिल्लीका मुख्यमन्त्री अरविन्द केजरीवालले गरेका छन् ।

यसपटकको लकडाउन थप कडा हुने उनले बताएका छन् । कोरोनाको संक्रमण दर लकडाउनभन्दा पहिला ३५ प्रतिशत रहेको थियो भने यसपटक घटेर २३ प्रतिशतमा आएको उनले बताए ।

लकडाउन लम्ब्याउनु आफ्नो रहर नभई बाध्यता भएको केजरीवालले उल्लेख गरेका छन् । दिल्लीमा सोमबारदेखि मेट्रो रेल पनि चल्ने छैन । यो लकडाउन १७ मेसम्म जारी रहने छ ।

केजरीवालले गत अप्रिल १९ मा ६ दिनका लागि लकडाउनको घोषणा गरेका थिए ।

दिल्लीका अस्पतालमा बिरामीको चाप अत्यधिक रहेको र अक्सिजन र आवश्यक औषधिको पनि अभाव हुन थालेपछि सरकारले लकडाउनको घोषणा गरेको थियो ।