बलिउडकी एक सफल पाश्र्व गायिका नेहा कक्कड आज आफ्नो ३२ औं जन्मदिन मनाउँदै छिन् । सन् १९८८ जुन ६ मा क्रृषिकेशमा नेहाको जन्म भएको थियो ।

गायिका नेहाको परिवार निकै नै गरिब थियो । नेहा र उनका पिता स्कुलको बारिह समोसा बेच्ने काम गर्दथे । नेहाले आफ्नो पिताको साथ दिने सोचका साथ ४ बर्षको उमेरमा नै धार्मिक कार्यक्रममा गीत गाउन सुरु गरेकी थिइन् र त्यो समयमा नेहालाई पारिश्रमिक वापत ५ हजार रुपैयाँ मिल्ने गर्दथ्यो ।

अहिलेसम्म नेहाले गायनको कुनै पनि तालिम लिएकी छैनन् । तर, पनि उनी आज बलिउडको सर्वाधिक सफल पाश्र्व गायिका बनेकी छिन् । सन् २००८ मा नेहाले आफ्नो डेब्यू एल्बम ‘नेहा दि रकस्टार’ सार्वजनिक गरेकी थिइन् । उनले बलिउडमा ‘मिरबाई नट आउट’ नामक चलचित्रबाट पाइला राखेकी थिइन् । त्यसपछि, उनले ‘कपूर एन्ड सन्स, यारिया, गब्बर इज ब्याक, क्विन, सनम रे’ जस्ता हिट चलचित्रमा गीत गाएकी छिन् ।

भारतीय मिडियाका अनुसार, उनले एउटा चलचित्रमा गीत गाएको ८ लाख पारिश्रमिक लिने गर्छिन् । उनी सर्वाधिक पारिश्रमिक लिने गायिका हुन् । नेहाले विश्वभर हजार भन्दा बढी कन्सर्टमा आफ्नो प्रस्तुती दिइसकेकी छिन् ।