बुधबार ११ असार, २०८२
असार ११ काठमाडौं , पूर्वप्रधानमन्त्री एवम् नेकपा एसका अध्यक्ष माधव कुमार नेपाललाई ३५ लाख धरौटीमा छाेड्न विशेष अदालतलेआदेश दिएकाे छ।
बुधबार विशेष अदालतमा तेजनारायण सिंह राई, रामबहादुर थापा र विदुर कोइरालाको इजलासले पतञ्जली जग्गा प्रकरणमा भ्रष्टाचारको आरोप खेपेका पूर्वप्रधानमन्त्री नेपाललाई धरौटीमा छाड्न आदेश दिएको हो ।
आदेशसँगै पूर्व प्रधानमन्त्री नेपाल ताेकिएकाे धराैटी बुझाएर आज घर जान पाउने छन् ,नेपालका तर्फबाट वरिष्ठ अधिवक्ता हरिहर दाहाल, शम्भु थापा, कृष्णप्रसाद भण्डारी, गोविन्द वन्दी, खम्बबहादुर खाती र रमन श्रेष्ठले बहस गरेका थिए ।
नेपालविरुद्ध अख्तियार दुरुपयोग अनुसन्धान आयोगले पतञ्जलि योगपीठलाई गैरकानुनी रूपमा हदबन्दीभन्दा बढी जग्गा किन्न र पछि बेच्न दिने निर्णय गराएको आरोपमा भ्रष्टाचार मुद्दा दायर गरेको थियो।
