शनिबार २० असार, २०८३ (Saturday July 04, 2026)

पहाडको जीवनदर्शन र प्रकृतिप्रतिको गहिरो भाव समेटिएको नेपाली गीत ‘जीवनको आँधि ब्याधि’ सार्वजनिक ।

बिहीबार १८ असार, २०८३ Bichar Batika 1137


पहाडको जीवनदर्शन र प्रकृतिप्रतिको गहिरो भाव समेटिएको  नेपाली गीत ‘जीवनको आँधि ब्याधि’ सार्वजनिक ।

असार १८ काठमाडौं , पहाडको संघर्ष, जीवनदर्शन र प्रकृतिप्रतिको गहिरो भाव समेटिएको नयाँ नेपाली गीत जीवनको आँधि ब्याधि सार्वजनिक भएको छ,गायिका अमला महर्जन (संगीत प्रवीण) को स्वरमा रहेको यस गीतलाई सत्य नारायण प्रजापतिको आधिकारिक युट्युब च्यानल मार्फत सार्वजनिक गरिएको छ ।
गीतका शब्द धुन्डिराज पहाडी ले लेखेका हुन् भने संगीत स्वर्गीय रविन दास श्रेष्ठ ले सिर्जना गरेका हुन्,संगीत संयोजन, रेकर्डिङ, मिक्सिङ तथा मास्टरिङ सत्य नारायण प्रजापति र प्रवी जी ले गरेका छन्, गीतको रेकर्डिङ भक्तपुरस्थित विवेक साउन्ड स्टुडियो मा गरिएको हो,गीतको भिडियोमा सत्य नारायण प्रजापति को निर्देशन, अवधारणा र कथा रहेको छ, भिडियोमा कमला शाक्य, अमला महर्जन, रूपा न्यौपाने, चन्द्र महर्जन, डा. धुन्डिराज पहाडी तथा इन्जिनियर सत्य नारायण प्रजापति को अभिनय देख्न सकिन्छ, छायांकन विवेक शाक्य ले गरेका हुन् भने सम्पादन सत्य नारायण प्रजापति र कलर तथा भिएफएक्स विवेक शाक्य ले गरेका छन्।
जीवनको आँधि ब्याधि गीतले पहाडको कठोर यथार्थ, संघर्ष, सौन्दर्य र जीवनको गहिरो दर्शनलाई कलात्मक ढंगले प्रस्तुत गरेको छ,जीवनको आँधि ब्याधि पहाडैले रोक्छ, अजङ्गको भारी पनि पहाडैले बोक्छ जस्ता भावपूर्ण शब्दमार्फत पहाडको आत्मा र नेपाली जीवनको मर्मलाई उजागर गरिएको छ।
निर्माण टिमका अनुसार गीतले नेपाली पहाडको मौलिकता, संस्कृति र जीवनदर्शनलाई नयाँ पुस्तासम्म पुर्‍याउने उद्देश्य बोकेको छ, सार्वजनिक भएसँगै गीतले दर्शक तथा श्रोतामाझ सकारात्मक प्रतिक्रिया प्राप्त गर्न थालेको निर्माण पक्षले जनाएको छ।

     (भिडियो लिंक)

 




यसमा तपाइको मत

Captcha

सम्बन्धित शीर्षकहरु