वैशाख ८, काठमाडौं । अख्तियार दुरुपयोग अनुसन्धान आयोगलाई घुस लिने व्यक्ति पक्राउ गर्न स्टिङ अपरेशन नगर्न सर्वोच्च अदालतले आदेश दिएको छ ।

प्रधानन्यायाधीश चोलेन्द्रशम्शेर जबरा, न्यायाधीशहरु दीपककुमार कार्की, हरिकृष्ण कार्की, ईश्वरप्रसाद खतिवडा र मीरा खड्कासहितको संवैधानिक इजलासले बुधबार स्टिङ अपरेशन रोक्न रिट जारी गरिदिएको हो ।

सरकारी कार्यालयमा घुस रकमसहित पक्राउ गर्न अख्तियार दुरुपयोग अनुसन्धान आयोगले स्टिङ अपरेशन गर्दै आएको थियो । अधिवक्ता विष्णुप्रसाद घिमिरेले स्टिङ अपरेशनविरुद्ध सर्वोच्चमा रिट दायर गरेका थिए ।