न्यायाधीशमाथि प्रश्न उठाउने हो भने हामी पनि निवेदन दिन्छौंः महान्यायाधिवक्ता बडाल

आईतवार १६ जेष्ठ, २०७८ विचारवाटिका 2321

जेठ १६, काठमाडौं । संवैधानिक इजलासमा रहेका न्यायाधीशमाथि प्रश्न नउठाउन महान्यायाधिवक्ता रमेश बडालले रिट निवेदकलाई चेतावनी दिएका छन् ।

उनले न्यायाधीशमाथि प्रश्न उठाउने हो भने आफूहरुले पनि निवेदन दिने बताए । उनले भने, ‘फलानो न्यायाधीश हुन्छ र फलानो न्यायाधीश हुँदैन भन्ने हो भने हाम्रो पक्षबाट पनि यो हुन्न भनेर निवेदन हाल्छौं ।’ उनले भने, ‘एउटा रिटमा १४६ जना निवेदक, अरु २५ जना निवेदक र १०० जना कानुन व्यवसायीको कुनै न कुनै न्यायाधीशलाई नाता पर्छ कि पर्दैन ?’

महान्यायाधिवक्ता बडालले अहिले नेकपा नभई प्रधानमन्त्री विपक्षी भएकाले उनले हेर्न मिल्ने दावी गरे । तर संवैधानिक इजलासमा रहेका न्यायाधीश बमकुमार श्रेष्ठले नेकपा विभाजनसम्बन्धी मुद्दा हेरेको भन्दै रिट निवेदक पक्षका कानुन व्यवसायीले उनको सहाभगितामा प्रश्न उठाएका छन् ।