आईतवार १९ मंसिर, २०७८ (Sunday December 05, 2021)

एमाले विधान महाधिवेशन: उपमहासचिव हटाउने प्रस्ताव

शुक्रबार १५ आश्विन, २०७८ विचारवाटिका 1194


एमाले विधान महाधिवेशन: उपमहासचिव हटाउने प्रस्ताव

असोज १५, काठमाडौं । नेकपा एमालेमा आजबाट विधान महाधिवेशन सुरू भएसँगै उपमहासचिव पद हटाउने प्रस्ताव गरिएको छ ।

ललितपुरको गोदावरी सनराइज सभाहलमा शुक्रबारदेखि सुरू भएको महाधिवेशनमा सहभागीहरूलाई वितरण गरिएको प्रस्तावमा उपमहासचिवको पद हटाइएको हो ।

केही समयअघि च्यासलमा भएको केन्द्रीय कमिटी बैठकमा उपमहासचिव बिष्णु पौडेलले पेस गरेको विधान संशोधन प्रस्तावमा २ जना उपमहासचिव राख्ने व्यवस्था गरिएको थियो।

नयाँ व्यवस्थाअनुसार एमालेमा अब एक अध्यक्ष, पाँच उपाध्यक्ष, महासचिव १ र सचिव छ जना हुने प्रस्तावमा उल्लेख छ।

विधान महाधिवेशनबाट यो प्रस्ताव पारित भएमा एमालेमा उपमहासचिव हुने छैनन्। अहिले घनश्याम भुसाल र बिष्णु पौडेल एमालेका उपमहासचिव छन्।
 




यसमा तपाइको मत

Captcha

सम्बन्धित शीर्षकहरु