बिहीबार १६ असार, २०७९ (Thursday June 30, 2022)

प्रधानन्यायाधीश जबराको राजीनामा माग गर्दै शान्ति समाज

शुक्रबार २४ मंसिर, २०७८ विचारवाटिका 1267


प्रधानन्यायाधीश जबराको राजीनामा माग गर्दै शान्ति समाज

मंसिर २४, काठमाडौं । प्रधानन्यायाधीश चोलेन्द्र शमशेर जबराको राजीनामा माग गर्दै आज मानव अधिकार तथा शान्ति समाजले काठमाडौंमा प्रदर्शन गरेको छ । 
अन्तर्राष्ट्रिय मानव अधिकार दिवसको अवसरमा शान्ति समाजले काठमाडौंको बौद्धस्थित शान्ति स्तुपा अगाडि प्रदर्शन गरेको हो ।

प्रदर्शनका सहभागीहरुले ‘अनैतिक’ प्रधानन्यायाधीश ः शीघ्र राजीनामा देऊ’, ‘प्रधानन्यायाधीशले राजीनामा नदिए महाअभियोग लगाऊ’, ‘वर्तमानको आवश्यकताः न्यायालयको शुद्धीकरण’ लगायतका नारा लेखिएका प्लेकार्ड प्रदर्शन गरेका हुन् ।

समाजका केन्द्रीय सभापति गोविन्द खनालले प्रधानन्यायाधीश राणाले लोकतन्त्रलाई धरापमा पारेको आरोप लगाएका हुन् । राणाको न्यायिक आचरणमाथि प्रश्न उठेको र पछिल्लो चरणमा उनी नैतिक रुपमा पनि च्युत भएको भन्दै शीघ्र राजीनामा दिन उनले सुझाए ।

कार्यक्रममा समाजका पूर्व सभापतिहरु उत्तम पुडासैनी र होमकान्त चौलागाईं, महासचिव रामकृष्ण बराल र काठमाडौं सभापति भगवान पुडासैनीलगायत सहभागी थिए ।
 




यसमा तपाइको मत

Captcha

सम्बन्धित शीर्षकहरु