बिहीबार २५ असार, २०८३
असार २५ काठमाडौं ,काठमाण्डौको त्रिपुरेश्वर स्थित राहदानी विभागको प्रवेशद्वार अगाडि २५ वर्षिय एक युवकले आफ्नै शरीरमा आगाे लगाउँदा आत्मदाह प्रयास गर्दा गम्भीर घाइते भएको छ ।
प्रहरीका अनुसार दिउँसो पौने २ बजेतिर राहदानी विभागको ३ नम्बर गेट अगाडि मुगु सोरु गाउँपालिका–१ घर भई भक्तपुर बस्दै आएका गणेश नेपालीले पेट्रोल छर्केर शरीरमा आगो लगाउनुभएको थियाे,राइड शेयरिङ को काम गर्दै आएका नेपालीले विभाग अगाडि मोटरसाइकल पार्किङ गरेको र त्यसमा महानगर प्रहरीले व्हील लक लगाइदिएपछि विवादसमेत भएको पाइएको छ ।
पछि नेपालीले आफ्नै मोटरसाइकलबाट पेट्रोल निकालेर शरीरमा आगो लगाएका पाइएको र घटनाबारे अनुसन्धान भइरहेको काठमाण्डौ जिल्ला प्रहरी परिसरले जनाएको छ ,शरीरका विभिन्न भागमा जलेर गम्भीर अवस्थामा रहेका नेपालीलाई प्रहरीले उपचारका लागि वीर अस्पताल लगेको छ ।
