शुक्रबार १९ मंसिर, २०७७ (Friday December 04, 2020)

बुद्ध जन्मस्थल लुम्बिनी ८ महिनापछि खुल्यो

बिहीबार ४ मंसिर, २०७७ विचारवाटिका 1127

 

 मंसिर ४, बुटवल । सरकारले गत शुक्रबार पर्यटकीय स्थलहरु खुला गर्ने निर्णय गरेसँगै अन्तर्राष्ट्रिय पर्यटकीयस्थल लुम्बिनी पनि आठ महिनापछि खुलेको हो ।

पर्यटकहरु स्वास्थ्य सुरक्षाका मापदण्ड अपनाएर अब भने बुद्ध जन्मस्थल लुम्बिनीस्थित मायादेवी मन्दिर परिसर, पुष्करिणी पोखरी, बगैँचा, अशोक स्तम्भ, र विभिन्न देशका बिहारहरु घुम्न पाउनेछन् ।

लुम्बिनी होटेल संघका महासचिव लिलामणि शर्मा पौडेलले बताए अनुसार मायादेवी मन्दिरसँगै रहेको अशोक स्तम्भ परिसरमा स्थानीय होटेल व्यवसायी र अन्य इच्छुकले अब हरेक दिन ५ बजेदेखि ७ बजेसम्म दीप प्रज्ज्वलन गरी त्यसलाई निरन्तरता दिने तयारी गरेका छन् । ‘आठ महिनासम्म मायादेवी मन्दिर दर्शन र लुम्बिनी घुम्न नपाएको अवस्थामा खुला भएको दिन नै आन्तरिक पर्यटकको चहलपहल देखियो,’ पौडेलले भने, ‘पर्यटक आउने मुख्य सिजनमै लुम्बिनी नखुल्दा व्यवसायी चिन्तित थिए, अब आन्तरिक पर्यटकको आगमन बढ्ने अपेक्षा छ ।’

लुम्बिनी विकास कोषका वरिष्ठ अधिकृत एवं प्रमुख प्रशासकीय अधिकृत ज्ञानिन राईले बताए बमोजिम मायादेवी मन्दिर परिसरमा प्रवेश गर्नुअघि हरेक पर्यटकको तापक्रम मापन गर्नुपर्ने र अनिवार्य रुपमा मास्क लगाएको हुनुपर्ने छ । 

विश्वव्यापी कोरोना महामारीका कारण बुद्ध जन्मस्थल लुम्बिनी बन्द भएकोले आन्तरिक पर्यटक समेत नआउँदा लुम्बिनीका होटेल व्यवसायीसहित ११ वटा संघसंस्थाले मायादेवी मन्दिर खुल्ला गर्न माग गर्दै ज्ञापनपत्रमार्फत लुम्बिनी विकास कोषलाई आग्रह गरेका थिए ।
 




मतहरू

drdysqizqg

????? ???????? ???????? ? ???????? ?????? drdysqizqg http://www.gbmv4e912aj71it72438zuw733qb3i5ds.org/ [url=http://www.gbmv4e912aj71it72438zuw733qb3i5ds.org/]udrdysqizqg[/url] adrdysqizqg


यसमा तपाइको मत


सम्बन्धित शीर्षकहरु